Live ტელევიზია HD
ყველაზე გამორჩეული
TOP 10 კინო
მეგობარი საიტები
  • გაიზიარე ფეისბუქზე

  • ნანახია: 1799

ბრედ პიტი | Brad Pitt

ბრედ პიტი | Brad Pitt
loading...
დასახელება ქართულად: უილიამ ბრედლი
ორიგინალი დასახელება: William Bradley Pitt
გამოსვლის წელი: 1963
კატეგორია: მსახიობები
ქვეყანა: აშშ
მოკლე აღწერა:
უილიამ ბრედლი პიტი — ამერიკელი მსახიობი და პროდიუსერი. იგი პოპულარული გახდა 1990-იან წლებში, როდესაც რამდენიმე ჰოლივუდურ ფილმში მიიღო მონაწილეობა. ბრედ პიტს 1995 წელს შესრულებული მეორეხარისხოვანი როლისთვის ფილმში „თორმეტი მაიმუნი“ მიეკუთვნა ოქროს გლობუსის ჯილდო და ოსკარის ნომინაცია. მას ასევე მოგებული აქვს 1 ოსკარი, სხვა 53 ჯილდო და წარდგენილი იყო 90 ნომინაციაზე. პიტი მედიის მიერ აღიარებულია, როგორც ერთ-ერთი ყველაზე მიმზიდველი მამაკაცი. მისი წინანდელი ქორწინება ჯენიფერ ენისტონთან და ამჟამინდელი ურთიერთობა ანჯელინა ჯოლისთან მსოფლიოს მედიის მიერ ფართოდ შუქდება. პიტს ჯოლისთან ჰყავს ექვსი შვილი, აქედან სამი ბიოლოგიური. ჯოლისთან ურთიერთობის შემდეგ, რომელიც ცნობილი არის თავისი ქველმოქმედებით, პიტი უფრო მეტად ჩაერთო სოციალურ საქმეებში.
პიტი დაიბადა შაუნეეში, ოკლაჰომაში, ჯეინ ეტასა (საშუალო სკოლის კონსულტანტი) და უილიამ ალვინ პიტის (სატვირთო მანქანების კომპანიის მფლობელი) ოჯახში. იგი ძმასთან დუგთან და დასთან ჯულიე ნილთან ერთად იზრდებოდა სპრინგფილდში, მისურიში, სადაც მისი ოჯახი მას შემდეგ გადავიდა, როდესაც პიტი გაჩნდა. პიტი ეკლესიურად იზრდებოდა. ის სწავლობდა კიკაპოოს საშუალო სკოლაში, სადაც იგი აქტიურად მონაწილეობდა დებატებში, სპორტში, სტუდენტურ მმართველობაში და თეატრში. შემდეგ მან სწავლა განაგრძო მისურის უნივერსიტეტში, ჟურნალისტიკის ფაკულტეტზე. ის არის სიგმა ჩი-ს ძმობის წევრი.
1988 წელს, პიტმა პირველად ითამაშა მთავარი როლი ფილმში „მზის ბნელი მხარე“, სადაც ის თამაშობს ახალგაზრდა ამერიკელს, რომელიც ოჯახმა წაიყვანა ადრიატიკში, რათა განეკურნათ კანის დაავადებისგან. ფილმი გადაღებულია იუგოსლავიაში, 1988 წლის ზაფხულში. ფილმის გადაღებები უკვე სრულდებოდა, როდესაც ომი დაიწყო და უმეტესობა გადაღებული კადრების დაიკარგა; ფილმი წლების შემდეგ გამოვიდა. პიტმა შემდეგ მონაწილეობა მიიღო სატელევიზიო ფილმში „ახალგაზრდა სიკვდილისთვის?“, ფილმში პიტმა ითამაშა ნარკომანი ბილი კანტონი, ხოლო პარტნიორობას ჯულიეტ ლიუისი უწევდა. პიტმა პუბლიკის ყურადღება მიიპყრო მეორე ხარისხოვანი როლით ფილმში „თელმა და ლუიზა“, სადაც იგი თამაშობდა დამნაშავეს, რომელიც დამეგობრდება თელმასთან (ჯინა დეივისი). მისი სასიყვარულო სცენა დეივისთან, სადაც პიტი გვევლინება წელს ზევით შიშველი, კოვბოის ქუდში, განიხილება როგორც „სიმბოლური“, რომელიც ხშირად მოწმობს და საზღვრავს პიტს როგორც „სექს სიმბოლოს“. „თელმა და ლუიზას“ შემდეგ, პიტმა კათრინ კინერთან და ნიკ კეივთან ერთად ითამაშა ტომ დიკილიოს მცირე ბიუჯეტიან ფილმში „ჯონი სუედე“ (1991). მან შეასრულა უცნაური მეოცნების როლი რომელიც მიისწრაფვის რომ გახდეს ცნობილი როკერი. „ცივი მსოფლიოს“ (1992) შემდეგ პიტმა ითამაშა რობერტ რედფორდის ფილმში „იქ, სადაც მდინარე მიედინება“ 1992 წელს. 1993 წელს ითამაშა ფილმში „კალიფორნია“, სადაც იგი თამაშობდა სერიული მკვლელის როლს, ჯულიეტ ლიუსთან და დევიდ დუხოვნისთან ერთად. 1994 წელს პიტმა ითამაშა ვამპირ ლუი დე პოინტე დუ ლაკის როლი, ანნ რაისის ნოველაში „ინტერვიუ ვამპირთან“. მას უწევდა 18-ე საუკუნის ვამპირის როლის განსახიერება, რის გამოც საათობით უნდებოდა გრიმის გაკეთებას, რათა მისი კანი სულ თეთრი ყოფილიყო. პიტს უწევდა მწვანე კონტაქტური ლინზებისა და ეშვების ტარება. პიტთან ერთად ფილმში მონაწილეობდნენ ტომ კრუზი, ანტონიო ბანდერასი, კრისტიან სლეიტერი და 11 წლის კირსტენ დანსტი. ამ ფილმის შემდეგ მან ითამაშა „შემოდგომის ლეგენდებში“ (1994) და „შვიდში“ (1995). „შვიდში“ პიტი თამაშობდა მორგან ფრიმენთან ერთად, ისინი იყვნენ დეტექტივები, რომელლებიც დასდევდნენ კევინ სპეისის გმირს, სერიულ მკვლელს. ამის შემდეგ პიტი ნომინირებული იყო ოსკარზე, საკუეთესო მეორეხარისხოვანი როლისთვის ფილმში „12 მაიმუნი“ (1995). 1997 წელს მან ითამაშა ჰარისონ ფორდთან ერთად ფილმში „ეშმაკის საკუთრება“. პიტმა შეასრულა IRA-ს ტერორისტის რორი დევანის როლი, სადაც მას მოუწია ირლანდიური აქცენტით საუბარი. იმავე წელს მას მოუწია ავსტრალიელი მთასვლელის ჰაინრიხ ჰარერის როლის შესრულება, ფილმში „შვიდი წელი ტიბეტში“. პიტი თვეობით ვარჯიშობდა ამ როლისთვის, მასთან ერთად მოთამაშე დევიდ თეუილსთან ერთად. ამ ფილმის გამო, ჩინეთის ხელისუფლებამ, პიტს და თეულისს აკურძალეს სამუდამოდ ჩინეთში შესვლა.
1998 წელს პიტმა შეასრულა მთავარი როლი ფილმში „გაიცანით ჯო ბლეკი“. ფილმა პიტს კვლავ მისცა საშუალება კვლავ ეთამაშა სერ ენტონი ჰოპკინსთან ერთად, რომელთან ერთადაც მან უკვე ითამაშა ფილმში „შემოდგომის ლეგენდები“. 1999 წელს პიტმა ითამაშა ჩაკ პალანიკის ცნობილი რომანის ეკრანიზაციაში „მებრძოლთა კლუბი“. 2001 წელს შეასრულა როლი ფილმში „ჯაშუშური თამაშები“, სადაც მას პარტნიორობას უწევდა ვეტერანი მსახიობი რობერტ რედფორდი, რომელიც მისი მასწავლებლის როლს ასრულებდა. 2001 წელს პიტმა ითამაშა თავის დიდი ხნის მეგობართან ჯულია რობერტსთან ერთად ფილმში „მექსიკელი“. წლის დასასრულს კი დაასრულა „ოუშენის ტერთმეტი მეგობრის“ გადაღებებში მონაწილეობა; ფილმი წარმოადგენს რიმეიკს 1960 წლის ფილმისა, რომელშიც ფრენკ სინატრა თამაშობდა. ამის შემდეგ მან მრავალ ფილმში ითამაშა, მათ შორის „ოუშენის 12 მეგობარი“, „ტროა“. 2005 წელს კი ითამაშა ფილმში „მისტერ და მისის სმითები“, სადაც მას პარტნიორობას უწევდა ანჯელინა ჯოლი. ისინი დაქირავებული მკვლელი ცოლ-ქმრის როლს ასრულებდნენ.
2005 წელს ბრედმა თამაშა ფილმში „ჯესი ჯეიმსის მკვლელობა“, სადაც ის პროდიუსერიც იყო, მაგრამ ფილმი 2007 წლამდე არ გამოსულა. 2006 წელს პიტი იყო პროდიუსერი ოსკაროსანი ფილმისა „მიცვალებულები“. მას ამავე ფილმში ლეიტენანტ კოლინ სალივანის როლი უნდა შეესრულებინა, მაგრამ როლი მეტ დეიმონს დაუთმო და თავად მონაწილეობა მიიღო ფილმში „ბაბილონი“. პიტი ალეხანდრო გონსალეს ინიარიტუს ფილმების მოყვარული იყო და ამიტომ დაინტერესდა ამ პროექტით. ფილმში ის კეიტ ბლანშეტთან ერთად თამაშობს. ფილმა მოიპოვა ერთი ოსკარი და ჯამში 7 ნომინაცია, აგრეთვე ნომინირებული იყო ოქროს გლობუსზე, მათ შორის ბრედ პიტი, მეორეხარისხოვანი როლისთვის.
ჯენიფერ ენისტონთან და პარამოუნტ პიქჩერსის მმართველთან – ბრედ გრეისთან ერთად, პიტმა ჩამოაყალიება საპროდუსერო კომპანია „პლან ბი“. ენისტონი აღარ არის ამ კომპანიის პარტნიორი, თუმცა მრავალ პროექტში ფიგურირებს, რომელიც მანამდე იყო შეთანხმებული, სანამ გაეყრებოდა პიტს. კომპანიამ გამოუშვა „ჩარლი და შოკოლადის ფაბრიკა“ ჯონი დეპის მონაწილეობით, „მიცვალებულები“ და „ჯესი ჯეიმსის მკვლელობა“.
ბრედ პიტმა მონაწილეობა მიიღო „მეგობრების“, მერვე სეზონის ერთ-ერთ ეპიზოდში, სადაც იგი ჯენიფერ ენისტონის მოძულეს როლს ასრულებდა. აგრეთვე ის გამოჩნდა მტვ-ს გადაცემაში „თავქარიანები“. პიტი აგრეთვე ხშირად ერთვება ქველმოქმედებაში.
პიტი „მეგობრების“ ვარსკვლავს ჯენიფერ ენისტონს შეხვდა 1998 წელს და მათი ქორწილი შედგა მალიბუში, 2000 წლის 29 ივლის. მათი ცერემონია დახურული იყო, ჟურნალებში მათი ქორწილის ამსხაველი მხოლოდ ერთი ფოტო დაიბეჭდა. ქორწინებიდან მალევე პიტმა უჩივლა დამიანი ინტერნაციონალს, რომელმაც გამოუშვა ისეთივე ბეჭედი, რომელიც საქორწილოდ აჩუქა ჯენიფერს, სახელად „ბრედი და ჯენიფერი“. ბეჭდის დიზაინი მისი მოფიქრებული იყო და ის იყო ექსკლუზიური. მათმა ქორწინებამ 4 წელი გასტანა. ამ დროის განმავლობაში ხშირად იყო ჭორები მათი დაშორების შესახებ. პიტი ჯენიფერს ოფიციალურად 2005 წელს გაეყარა. როდესაც მათი ქორწინება უკვე ბოლო დღეებს ითვლიდა, ის და მსახიობი ანჯელინა ჯოლი გაეხვივნენ საყოველთაო სკანდალში, სადაც ანჯელინას ხშირად მოიხსენიებდნენ როგორც „სხვა ქალს“. იმ დროს, როდესაც ჯოლი და პიტი უარყოფდნენ თავიანთ ურთიერთობებს, სპეკულაცია ამ თემაზე მაინც მიდიოდა 2004 და 2005 წლების განმავლობაში. ჯოლიმ 2005 წლის ივნისში, ინტერვიუ მისცა ანნ კური,. სადაც განაცხადა: „იყო ურთიერთობაში ცოლიან კაცთან, როდესაც ჩემი საკუთარი მამა ღალატობდა დედაჩემს, ეს ის არის, რასაც ჩემ თავს ვერ ვაპატიებდი. დილაობით ჩემ თავს ვერ შევხედავდი, თუ ამას გავაკეთებდი. მე ვერასდროს შევხედავ იმ მამაკაცს, რომელიც ცოლს ღალატობს“.
ენისტონმა გაყრის შესახებ განცხადება 2005 წლის 25 მარტს შეიტანა, ხოლო 2005 წლის 2 ოქტომბერს ოფიციალურად გაშორდნენ ერთმანეთს.
ერთი თვის შემდეგ, მას მერე რაც ენისტონმა შეიტანა დოკუმენტი გაყრის შესახებ, 2005 წლის აპრილს, პაპარაცების მიერ იქნა გადაღებული სურათები, რომელიც ადასტურებდა იმ ჭორს, რომელიც არსებობდა ბრედ პიტსა და ანჯელინა ჯოლის შესახებ.ფოტოებზე, რომელიც გაიყიდა 500 000 დოლარად, ნაჩვენები იყო პიტი, ჯოლი და მისი შვილი მედოქსი სანაპიროზე, კენიაში. ზაფხულის განმავლობაში, წყვილს სულ უფრო და უფრო ხშირად ხედავდნენ ერთად, რის მერეც მედიამ მათ „ბრანჯელინა“ შეარქვა. ორი თვის შემდეგ, პიტი და ჯოლი უკვე პოზიორობდნენ კამერების წინ როგორც წყვილი.
2005 წელს პიტი და ჯოლი გაემგზავრნენ ეთიოპიაში, სადაც ანჯელინამ მეორე ბავშვი იშვილა – ექვსი თვის გოგონა ზაჰარა. მოგვიანებით ანჯელინამ თქვა რომ ამ ბავშვის შვილად აყვანა მან და პიტმა ერთად გადაწყვიტეს. 2005 წლის დეკემბერში, ცნობილი გახდა რომ პიტი ცდილობდა ლეგალურად ეშვილა ანჯელინას ორი შვილი. 2006 წლის 19 იანვარს, მოსამართლემ დართო ნება პიტს ბავშვების შვილად აყვანისა და ბავშვების გვარი შეიცვალა ჯოლი-პიტით. 2006 წლის 11 იანვარს ჯოლიმ ჟურნალ „ფიფლზს“ დაუდასტურა, რომ იგი იყო ფეხმძიმედ პიტისგან. 2006 წლის 27 მაისს, ჯოლიმ ქვეყნად მოავლინა გოგონა – შაილო ნუველ ჯოლი პიტი, რომელიც ნამიბიაში გააჩინა. პიტმა დაადასტურა რომ მათ ახალგაჩენილ შვილს ექნება ნამიბიური პასპორტი, ჯოლიმ კი გადაწყვია ბავშვის სურათები გაეყიდა, ვიდრე ბავშვი სამიზნე ყოფილიყო პაპარაცების. ჟურნალმა „ფიფლზმა“ 4 მილიონ დოლარზე მეტი გადაუხადა სურათებისთვის, ხოლო ბრიტანულმა ჟურნალმა „ჰელოუმ“ 3,5 მილიონი დოლარი. ჯამში თანხამ 10 მილიონი დოლარი შეადგინა. მთელი თანხა ჯოლი-პიტის საქველმოქმედო ფონდს გადაეცა.
2007 წლის 15 მარტს, ჯოლიმ შვილად აიყვანა სამი წლის ბიჭუნა ვიეტნამიდან – პაქს თიენ ჯოლი-პიტი. ვინაიდან ობოლთა თავშესაფარი, არადაქორწინებულ წყვილს არ აძლევს საშუალებას ბავშვის აყვანის, ჯოლიმ იგი მარტო იშვილა, ხოლო პიტმა მოგვიანებით იშვილა ლეგალურად.
მედიის აზრით ჯოლი კვლავ იყო ფეხმძიმედ, რაც მისმა გამოჩენამ 2008 წლის Independent Spirit Award-ზე დაამტკიცა, როდესაც იგი დახურული კაბით წარსდა მაყურებელთა წინაშე. 2008 წლის მაისში, ჯოლიმ დაუდასტურა „თუდეის“, რომ ისინი ელოდებოდნენ ტყუპებს. 2008 წლის 12 ივლის ჯოლიმ გააჩინა ბიჭი და გოგო, სახელად ნოქს ლეონ ჯოლი პიტი და ვივიენ მარჩელინ ჯოლი პიტი. ნოქსის წონა იყო 5,05 ფუნტი, ხოლო ვივიენის 5 ფუნტი. ნოქსი ბრედ პიტის ბაბუის პატივსაცემად დაერქვა ბავშვს, ხოლო ვივიენი ანჯელინა ჯოლის დედის პატივსაცემად.
ანჯელინა და ბრედი როგორც იქნა 2014 წლის აგვისტოში დაქორწინდნენ.

ფილმოგრაფია:
მზის ბნელი მხარე | The Dark Side of the Sun
ახალგაზრდა სიკვდილისთვის? | Too Young to Die?
თელმა და ლუიზა | Thelma & Louise
ჯონი სუედე | Johnny Suede
ცივი მსოფლიო | Cool World
იქ, სადაც მდინარე მიედინება | A River Runs Through It
კალიფორნია | Kalifornia
ნტერვიუ ვამპირთან | Interview with the Vampire
შემოდგომის ლეგენდები | Legends of the Fall
შვიდი | Se7en
მძინარენი | Sleepers
12 მაიმუნი | 12 Monkeys
ეშმაკის საკუთრება | The Devil's Own
შვიდი წელი ტიბეტში | Seven Years in Tibet
გაიცანით ჯო ბლეკი | Meet Joe Black
მებრძოლთა კლუბი | Fight Club
დიდი ფსონი | Snatch
ჯაშუშური თამაშები | Spy Game
მექსიკელი | The Mexican
მეგობრები | Friends
ოუშენის თერთმეტი მეგობარი | Ocean's Eleven
თავქარიანები | Jackass
ტროა | Troy
ოუშენის თორმეტი მეგობარი | Ocean's Twelve
მისტერ და მისის სმითები | Mr. & Mrs. Smith
ბაბილონი | Babel
ჯესი ჯეიმსის მკვლელობა | The Assassination of Jesse James by the Coward Robert Ford
წაკითხვისთანავე დაწვით | Burn After Reading
ბენჯამინ ბატონის უცნაური ისტორია | The Curious Case of Benjamin Button
უსახელო ნაბიჭვრები | Inglourious Bastards
ადამიანი, რომელმაც ყველაფერი შეცვალა | Moneyball
ცხოვრების ხე | The Tree of Life
მონობის 12 წელი | 12 Years a Slave
მრჩეველი | The Counselor
მსოფლიო ომი Z | World War Z
სიბრაზე | Fury

ონლაინში ყურება



Copyright © 2015 KinoTop.Ge
მოიწონეთ ჩვენი გვერდი
Please like this page